मर्चेण्ट बैंकरहरुद्वारा अत्यावश्यक बाहेकका सम्पुर्ण सेवा स्थगित

मर्चेण्ट बैंकरहरुले अत्यावश्यक बाहेकका सबै कार्यहरु स्थगित गरेका छन् । मर्चेण्ट बैंकरहरुले शुक्रबार एक विज्ञप्ति जारी गर्दै कार्यालयबाट जनसम्पर्क हुने सम्पुर्ण सेवाहरु हाललाई स्थगित गरेका हुन् ।

विश्वव्यापी महामारीको दोस्रो लहरको रुपमा फैलिरहेको कोरोना भाईरस कारण संक्रमितहरुको संख्यामा दिनानुदिन बृद्धि भईरहेको र नेपाल धितोपत्र बोर्डको निर्देशन अनुसार यस्तो निर्णय गरिएको मर्चेण्ट बैंकर एसोसिएसनले जनाएको छ ।

बैंकरहरुले आफ्ना ग्रहकहरुलाई अनलाईन मार्फत धितोपत्र कारोवार गर्न अत्यावश्यक सेवा मात्र प्रदान गर्ने गरी सेवाहरु स्थगित गरेको जनाएका छन् ।

मर्चेण्ट बैंकरहरुलाई नेपाल धितोपत्र बोर्डबाट सिष्टम संचालनको लागि कार्यालयमा ३ जना भन्दा बढी कर्मचारी नखटाउने गरि work at home मार्फत कार्य संचालन गर्नु पर्ने निर्देशन दिएको छ ।

संक्रमणको जोखिम कम गर्न निषेधाज्ञाको अवधीभर अनलाईन सेवालाई प्राथमिकतामा राख्न सबै ग्राहकमा नेपाल मर्चेण्ट बैंकर एशोसियसनले अनुरोध गरेको छ ।

शेयर खरिद बिक्री सम्बन्धी कार्यलाई अनलाईन मार्फत गर्न तथा शेयर बिक्री गर्दा इडिआईएस मात्र प्रयोग गर्न समेत संघले अनुरोध गरेको छ। अनलाइन कारोवारका क्रममा मेरो शेयर वा इडिआईयस सम्बन्धी केहि समस्या आई परेमा कम्पनीको फोन नंवर तथा वेभ साईटमा उल्लेख गरिएको इमेल र मोबाइल नंवरमा सम्पर्क गरी आफ्नो समस्या समाधान गर्न संघले अनुरोध गरेको छ।

Related Posts